Monday, September 30, 2013

Telugu Kathalu


  "Telugu Kathalu", our website, contains extra-ordinary stories told in the Indian language of Telugu. "Telugu Kathalu" consists of movie-like stories, which are 100% original. Told with spell-binding narration, they re-create a scenery in front of the eyes of the readers.

    Extra-ordinary stories which range from comical portrayals to dramatic action stories to suspense thrillers, all available at one place "Telugu Kathalu". We do not serve wanton material at all, real authentic "Telugu Kathalu" only. I am sure some of you come back telling the movie like, super narrative stories that you read here, all told in our language Telugu.

    Subjects that were not touched by anyone before (internationally), Telugu Kathalu has everything extra-ordinarily creative, edge realistic and dramatic at the same time. Come, immerse in the world of stories, witness un-paralleled phenomenon, triumph vicariously over every binding of the real world, come to "Telugu Kathalu".

Telugu Kathalu

Saturday, October 27, 2012

అర్జునుడు - X

    అర్జున్ కళ్ళు తెరిచి చూసాడు. నిద్ర నించి అప్పుడే లేచిన తనకి, పక్కనే పడుకున్న శైలజ కనిపించింది. తన కళ్ళల్లో నీళ్ళని తనకి తెలియకుండానే తుడుచుకున్నాడు అర్జున్. అర్జునా! కేక మళ్ళీ వినిపించింది. సందేహం లేదు, రాజ గురువుది, ఆ కేక. ఈ లోపులో ఒక బాణం రివ్వున ఎగసి, తన వెనుక  ఉన్న గోడకి గుచ్చుకుంది. శైలజ దిగ్గున లేచింది.

    కత్తి, డాలు తో, యోధుని get-up  లో బయటికి వచ్చాడు అర్జున్. కోట గోడల దగ్గర, ద్వారం వద్ద ఉన్న సైనికులు బాణాల కి మరణించారు. ఎదురుగా చెక్క మరియు రాతి weapons  తో ఉన్నారు, ఫిలిప్పీన్స్ సైనికులు. పున్నమి చంద్రుని వెలుగులో, ఎత్తైన ఆ కోట నించి  బాణాలని తప్పిస్తూ, కిందకి దిగుతూ వస్తున్నాడు అర్జున్.

    వస్తూనే, తన కత్తి వేటుకి ఇద్దరిని చంపాడు అర్జున్. ఇంకా సైనికులు చాల మంది ఉన్నారు. 

Saturday, October 13, 2012

Telugu To English Translation (అనగా అనువాదము)

    మన వాళ్ళు ఇంగ్లీషు లో మాట్లాడే కొన్ని వాక్యాలకి తీరు తెన్నూ ఉండదు. అలాంటి "మక్కి కి మక్కీ" అనువాదాల గురించే, ఈ పోస్ట్.

1. That much is not there. (అంత లేదు)
2. Write oil on your head. (నీ తల మీద నూనె రాయి).
3. Your head! (నీ తలకాయి)
4. Your face (u)! (నీ మొహం) 
5. What (a)maa? (ఏంటమ్మ?)
6. Cry your own cry (నీ ఏడుపు నువ్వు ఏడు)
7. First First లో (మొట్ట మొదట్లో)
8. You are very white! (నువ్వు చాల తెల్లగా ఉన్నావు, should use 'fair' instead of 'white' here)

డాన్ (కీ) జోక్స్



కష్టమే కాదు .... 

ఒక సారి డాన్, ఒక పేరు మోసిన జ్యోతిష్కుడి దగ్గరికి వెళ్ళాడు. తన ఫ్యూచరు చెప్పమని బలవంతం చెయ్యడం తో, ఆయన డాను తో కూర్చున్నాడు. ఆయన డాను ముఖం చూసాడు, కుడి చెయ్యి చూసాడు, తనకి తెలిసినదంతా యూస్ చేసాడు. కాని డాను ఫ్యూచరు మాత్రం అంతుపట్ట లేదు. అప్పుడు అర్ధమైంది ఆయనకి, "డాన్ ఫ్యూచరు చెప్పడం కష్టమే కాదు, అసాధ్యం" అని.

ఒక సారి డబ్బు అవసరం అయ్యి, డాను కూర్మారావు దగ్గర పది వేలు అప్పు తీసుకున్నాడు. నెల తిరిగాక, కూర్మానికి ఏదో అవసరం అయ్యి, డాను ఇంటికి ఫోను చేసాడు. ఇంట్లో లేడట, ఆఫీసులో ఫోను చేసాడు, లేడన్నారు. ఇలా పాపం ఆరు నెలలు గడిచింది. చివరికి ఏదో పని మీద అటుగా వెళ్తుంటే, డాన్ ఇంట్లో ఉండటం చూసాడు. వెంటనే డాన్ ఇంట్లోకి వెళ్తే, డాను నేల మీద శవమై పడి ఉన్నాడు. అప్పుడు అర్ధమైంది కూర్మానికి "డాన్ చావనైనా చస్తాడు కాని, డబ్బులు మాత్రం వెనక్కి ఇవ్వడని".

ఒక సారి, డాన్ వాళ్ళ ఆవిడకి, కళ్ళ ప్రోబ్లం ఏదో వస్తే, డాక్టరు దగ్గరికి వెళ్లారు. పనిలో పనిగా మీరు కూడా చెక్ అప్ చేయించుకోమ్మంది ఆవిడ. తప్పక ఒప్పుకున్నాడు డాను. ఆవిడ చకింగు అయ్యాక, డాక్టరు డాన్ ని కూర్చోబెట్టాడు. ముందు ఏవో పెద్ద అద్దాలు పెట్టి, చదవమన్నాడు. డాన్ అన్నీ గడగడా చదివేశాడు. Prescription రాస్తూ డాక్టరు ఏదో డవుటు పడ్డాడు. రెండు కళ్ళకీ అంత తేడా ఉండదని చెప్పి, మళ్ళీ ఒక కంట్లో అద్దం మార్చాడు. డాన్ మళ్ళీ అన్నీ గడగడా చదివేశాడు. డాక్టరు డవుటు వచ్చి మళ్ళీ మార్చాడు, ఇలా మారుస్తూనే ఉన్నాడు. అన్నీ డాను గడగడా చదివేశాడు. అప్పుడు అర్ధమైంది డాక్టరు కి "డాన్ కళ్ళ సైటు చెక్ చెయ్యడం, కష్టమే కాదు, అసాధ్యం కూడా అని".

డాన్ వాళ్ళ స్కూల్లో రంజని అని ఒక అమ్మాయి ఉండేది. డాన్ అంటే, ఎందుకో తనకి కొంచెం ఇష్టం ఉండేది. ఒక సారి, డాన్ కి "ఫ్రెండ్ షిప్ చేస్తే చాక్లెట్ ఇస్తా"నంది, డాను ఒప్పుకున్నాడు. చాకలేట్టు తీసుకుని, రెండు రోజుల్లో మొహం చాటేశాడు. తరవాత మళ్ళీ ఇంకో సారి, నాతో ఫ్రెండ్ షిప్పు చేస్తే పరీక్షల్లో చూపిస్తానంది. డాన్ ఒప్పుకున్నాడు, తీరా పరీక్షల్లో (చూసి కాపీ కొట్టినా కూడా) తనకే ఎక్కువ మార్కులు రావడంతో, మళ్ళీ మాట్లాడ లేదు డాన్.

ఇంకో సారి, నాతొ ఫ్రెండ్ షిప్ చేస్తాడేమో అని, ఊరికే వాడి రికార్డ్లు రాయడానికి ఒప్పుకుంది తను. ఇప్పుడూ పని జరగలేదు, అప్పుడు అర్ధమైంది తనకి, "డాన్ తో ఫ్రెండ్షిప్ చెయ్యడం కష్టమే కాదు, అసాధ్య౦ కూడా అని".

చిన్నప్పుడు డాన్ వాళ్ళ నాన్న, రోజూ సైకిలు ఎందుకు తుడవడం లేదని, డాన్ కి ఒక రోజు బడిత పూజ చేసాడు. అప్పటి నించీ డాన్, regular గా సైకిలు తుడవటం మొదలెట్టాడు, డాన్ తండ్రి కూడా పాపం తన కొడుకు బాగు పడుతున్నాడని, సంతోషించాడు. రోజు సైకిలు తుడిచాక, ఒక గంట సేపు TV చూసేవాడు డాను. ఎప్పుడూ జాకి చాన్, సినిమాలే చూస్తున్నా ఏమీ అనేవాడు కాదు తండ్రి. ఆర్నెల్ల తర్వాత, సడన్ గా ఒక రోజు నించీ సైకిలు తుడవడం మానేసాడు డాను. చాలా రోజులు మానేసే సరికి, డాన్ తండ్రి ఒక రోజు మళ్ళీ అడిగాడు, డాను పెడసరం గా సమాధానం చెప్పడం తో, ఈ సారి కర్ర పట్టుకొచ్చాడు తండ్రి. అయితే డాను అద్వితీయమైన కరాటే నైపుణ్యం చూపించి, తండ్రి ని కొట్టకుండా వదిలేసాడు. అప్పుడు అర్ధమైంది తండ్రికి, "డాన్ ఇంకొకరు చెప్పిన మాట వినడం, కష్టమే కాదు, అసాధ్యం అని".

విలేకరి: అసలీ డాన్ ఎవరో, ఎలా ఉంటాడో, పూర్తిగా చెప్తారా?
పోలీసు ఆఫీసరు: డాన్ గురించి పూర్తిగా తెలుసుకోవడం కష్టమే కాదు, అసాధ్యం కూడా!
(సశేషం) 

డాను, వాడి డూపు ఒకే చోట ఉన్నారు. ఇద్దర్లో, ఎవరు నిజమో, ఎవరు నకిలీయో చెప్పడం కష్టం గా ఉంది. ఇద్దరూ, నేను డాను కాదంటే కాదని వాదిస్తున్నారు. చివరికి పోలీసు ఆఫీసరు, ఇద్దర్నీ విడిచి పెట్టేయ్యమంది, ఎందుకో తెలుసా... డాన్ ని పట్టుకోవడం కష్టమే కాదు, అసాధ్యం కాబట్టి. దొరికిన వాళ్ళు ఇద్దరూ డాన్సు కాదని తేల్చేసింది, పోలీసు ఆఫీసరు రంజని. 





వీర తాళ్ళు


అప్పుడెప్పుడో మాయా బజార్లో, కొత్త పదాల అవసరాన్ని మన S.V. రంగా రావు గారు గుర్తు చెయ్యడం కాదు, నేను అనుకునే కొన్ని కొత్త పదాలని (funny గా) ఒక చోట పొందు పరిస్తే ఎలా ఉంటుందని, ఈ పేజీ మొదలు పెట్టాను. అసమదీయులందరికీ, ఇందులో స్వాగతం. 

1. గజీతగాడు: బాగా జీతం సంపాదిస్తున్న వాడు.
2.  సంపన్నులు: కొంచెం అయినా (ఆదాయపు) పన్ను కడుతున్న వాళ్ళు. 
3. ఆస్తికులు: బాగా ఆస్తి ఉన్న వాళ్ళు.

Tuesday, October 9, 2012

Serial Killers - IV

గురూజీ: కుదరదన్నా నా! (కొంచెం కోపం గా)

తెంబి: యాణ్ (తనూ గట్టిగా)

గురూజీ: (ఏవో లెక్కలు వేస్తూ నోట్లో ఆలోచిస్తూ ఉండి, చెయ్యి అడ్డం గా తిప్పాడు. కళ్ళు మూసుకుని ఉన్నాడు).

తెంబి: (ఏదో ఆలోచించి) ఒణ్ మిణిట్! (తన భుజానికున్న గుడ్డ సంచీ లోంచి, ఇవాల్టి న్యూస్ పేపర్ తీసాడు).

అందులో, ఈ రోజు సుడోకు ఉన్న పేజి తిప్పాడు. మెల్లగా ఒక దాని తర్వాత ఒకటి పూర్తి చెయ్యడం మొదలు పెట్టాడు.     అయిదు నిమిషాల తర్వాత మొత్తం అంతా అయ్యింది. తర్వాత, ఉన్న తొమ్మిది చదరాల్లోను, మధ్య నంబరు circle  చేసాడు. వాటిల్తో ఏదో జ్యోతిష్యం లాగ గణించడం మొదలు పెట్టాడు. కొంత సేపటికి,

తెంబి: నోర్త్, ఇంద సాటైన్, డిల్లి ఇంద సాటైన్ (Saturn, శని). (Explain చేసాడు). జూపిటేయ్ (Jupiter, గురుడు) ఇంద ... (పెన్ను ఉన్న కుడి చెయ్యి పేపరు నించి పైకి లేపి, కుడి వైపు రెండు సార్లు ఊపాడు, ఈస్ట్ కి  వెళ్లాలన్నట్టు).

గురూజీ, కళ్లార్పి తల ఊపాడు.

ఇది చెప్పి తెంబి, నొసలు చిట్లించాడు, తర్వాత కళ్ళజోడు సవరించి, గురూజీ కళ్ళల్లో చూసిన తన కళ్ళు, కిందకి దించాడు. ఇదంతా చూసిన ముత్యాలకి మాత్రం ఏమి అర్ధం కాలేదు.

- 2 -
మొత్తానికి, హీరో సైకిలు మీద హై-వే మీదుగా హైదరాబాద్ నించి డిల్లీ వెళ్ళడం కాన్సిల్ అయ్యింది. అలా ఉత్తరం వైపు  వెళ్తే శని అట. తూర్పుకి వెళ్ళడం, వాస్తు ప్రకారం భేషని, గురూజీ, అండ్ తెంబి ప్రవచించడం జరిగింది. ఆల్రెడీ హీరోయిన్ను కోసమని డిల్లీ కి సైకిలు మీద వెళ్ళడం, ఒక నెల రోజులు లాగించారు, కాబట్టి, ఇప్పుడు కలకత్తా వెళ్ళడానికి మంచి కారణం కావలసి వచ్చింది. హై-వే మీద diversion పెట్టాలని తెంబి చెప్పిన సలహా అందరికీ నచ్చింది. (హై-వే under repair, ప్లీజ్ టర్న్ రైట్) పెట్టిన బోర్డుని, అక్కడ పెట్టారు. పక్కనే ఉన్న మట్టి రోడ్డు, చెట్ల గుబురు మీదకి మంచి diversion ఇచ్చారు.

జరిగిన ఎపిసోడులు already టీవీ లలోకి వెళ్ళిపోయాయి కాబట్టి, రూటు మార్చి, హీరో కలకత్తా వైపు, ఎక్కడికి వెళ్తున్నాడో తెలియకుండా వెళ్ళాల్సి రావడం జరిగింది.

- 3 -
ఇది జరిగిన తర్వాత, గురూజీ తెంబి అంటే ప్రత్యేకమైన ప్రేమ చూపించడం మొదలెట్టారు. "సుడోకు లో జ్యోతిష్యం" అనే ఒక గొప్ప ప్రక్రియని తనకి పరిచయం చెయ్యడం తో, తన సహోద్యోగి తెలివి తేటలపై, అపారమైన నమ్మకం వచ్చింది గురూజీకి. ఆ సంఘటన తలచుకున్నప్పుడల్లా ఆనంద భాష్పాలు వచ్చేవి గురూజీకి.

- 4 -
ఈ వార్త మొత్తం ఇంట్లో స్టాఫ్ అందరికీ తెలిసిపోయింది. ముత్యాలు, ఇంట్లో అందరికీ, పెద్ద గొంతికతో ఈ స్టోరీ చెప్పడం, అందరూ, (టీవీ unit తో సహా) తెంబి ని అభినందించడం జరిగాయి.

సత్తి రెడ్డి: సుడోకు తో జాతక మెట్ల చెప్తార్ర బై ...?  

నాయక్: ఏమో, నాకేం దెల్సు రా బై! (కొంచెం సేపాగి, హాలంతా చూస్తూనే ...) అసలు సుడోకంటే ఏంద్ర? (అసలు డవుటు చెప్పాడు)

సత్తి రెడ్డి: అయినా, పేపర్ల పక్కనే జాతకం ఉంటె, సుడోకు ఎందుకురా పూర్తి చెయ్యుడు?

నాయక్: (చిన్నగా నవ్వుతూ ...) ఏది జాతకమెక్కడ? చూపియ్?

సత్తి రెడ్డి: ఇదిగోరా భై! (సుడోకు పేజీలోనే ఉన్న జాతకం చూపించాడు).

నాయక్: ఇవాళేమి రాసిండో, చెప్పించుకోవాల. లాయరు బాబు ఉన్నడా ఏంది? 

Saturday, September 29, 2012

అర్జునుడు - IX


   అర్జున్ కి మళ్ళీ ఒక కల వస్తోంది.

    చిమ్మ చీకటి. ఉరుములు, మెరుపుల మధ్య వాన. ఎక్కడా ఏమీ కానరాని ఆ వానలో అప్పుడప్పుడు మెరుపులు మెరిసినప్పుడల్లా ఒక మెరుపులా నేల మీద కనిపిస్తోంది ఒక రధం. ఏడు శ్వేతాశ్వాలు అతి వేగం గా పరిగెడుతున్న ఆ రధం లో ఉన్నది ఒక రాకుమారుడు, వెనుక రధంలో ఉన్నది ఒక నిండు చూలాలు. అయితే ఈ రాకుమారుడు అర్జున్ లాగ లేదు, అర్జున్ కి ఇదంతా తాను బయటినించి చూస్తున్నట్టు అనిపిస్తోంది. ఆమె సొమ్మసిల్లి పడి ఉంది. శ్వేతాశ్వాలను అతి వేగం గా పరుగు తీయిస్తున్నాడు అతడు. ఆ దారికి అంతం ఎక్కడా అతనికి కనిపించడం లేదు. ద్రష్ట చెప్పింది గుర్తుంది అతనికి, అది ఎంత దుస్సాధ్యమైనా, మానవ ప్రయత్నం చెయ్యక తప్పదు మరి. అతని కళ్ళలోని అశ్రుధారలు, ఆ అఘోరమైన తుఫాను వానలో కలిసిపోయాయి. 

    వాళ్ళు వెళ్ళవలసిన గమ్యం (మన భాషలో చెప్పాలనుకుంటే), 10 మైళ్ళ దూరంలో ఉన్న రామ దేవాలయం. అక్కడికి వెళ్ళడానికి వాళ్లకి ఇంకో ఐదు నిమిషాలు మాత్రమే time ఉంది. గుర్రాలు, ఎంత జాతి అశ్వాలు అయినా, పది మైళ్ళు పరిగెత్తడానికి, పది నిముషాలు తీసుకుంటాయి. దైవ సంకల్పం మాత్రమే వాళ్ళని, ఈ పరిస్థితి నించి బయటకు తీసుకువెళ్ళగలదు. "హే కృష్ణా... ముకుందా... పాహి పాహి..." మనసులో ప్రార్ధించాడు అతడు.

   ద్రష్ట వర్తమానం తెలియగానే అతను చెయ్యగలిగినదంతా చేసాడు. అన్ని గండభేరుండ పక్షులు (Genetically Engineered Animals), స్వయంచోదక విద్యుల్లతాశ్వాలు, మహాశ్వేత వరాహాలు యుద్ధంలోనికి నియోగింపబడటం చేత, సామాన్యమైన అశ్వాలతో కూడిన రధాలు మాత్రమే మిగిలాయి అతనికి. వాటితోనే, రాబోయే ముప్పు గురించి నగరమంతా చాటింపు వేయించాడు. అటువంటి ఒక రధాన్ని సమకూర్చుకుని, ద్రష్ట ఆజ్ఞ మీద, అయిష్టంగా తన నగర ప్రజలని వదలి పయనమయ్యాడు అతడు. అతని సేనాని నగర ప్రజలలో వాళ్ళు వీళ్ళని కాకుండా, వృద్ధులు, బాలలు, మహిళలను తీసుకుని, రధాలతో నగరం అవతలకి పంపిస్తున్నాడు. 

     రధాన్ని తీసుకుని నగరాన్ని దాటుతున్నరాకుమారునికి అనేక హృదయ విదారకమైన దృశ్యాలు పొడగాట్టాయి. అతడు ఎన్ని ప్రయత్నాలు చేసినా, నగర ప్రజానీకం లో ఒక్క పిట్ట కూడా చావు తప్పించుకోలేదు. ఈ విషయం తెలిసి, ప్రయత్నిస్తున్న తన అమాయక ప్రజలను అతడు చూడలేకపోయాడు. కొందరు తల్లిదండ్రులు, పిల్లలను వదిలిపెట్టి, పరుగులు తీస్తున్నారు. కొందరు యువకులు, వృద్ధులైన తన తల్లిదండ్రులను పట్టించుకోకుండా, రధాలలో స్థానం కోసం ఎగబడుతున్నారు. కొందరు భార్యలను విడిచిపెడుతున్నారు. ఈ ఘోరకలి రాబోయే చెడు రోజులకి సంకేతం లాగ ఉంది. తాము బతకమనే విషయం తెలిసిందో ఏమో, కొందరు కుటుంబసమేతం గా, ఆత్మహత్యలు చేసుకుంటున్నారు. కొందరు నగర ప్రజలు, గుళ్ళను, గోపురాలను ఆశ్రయిస్తున్నారు. 

     రాకుమారుడు ఆలోచనల నించి బయటపడ్డాడు. మెరుపులు మెరిసినప్పుడల్లా అతనికి లీలగా ఒక ఆలయం ఎదురుగా కనిపిస్తోంది. కొంతసేపటికి, ఉరుములు, వాన శబ్దాల మధ్య, ఈదురు గాలికి కొట్టుకుంటున్న ఆ గుడి గంట కూడా అతనికి వినిపించింది. కాని సమయానికి తాను ఎదురీదుతున్నాడని తెలుసు అతనికి. రామాలయానికి చాల దగ్గరిలో ఉండగా, ఆకాశంలో ఒక భయంకరమైన ధ్వని, వెలుగు కనిపించాయి అతనికి. చిన్నగా విరక్తిపూరితమైన నవ్వు నవ్వాడతను. ఆ వెనువెంటనే నగర ప్రజల హాహాకారాలు వినిపి౦చాయి. వెర్రి వాళ్ళు, ఆకాశం నించి ఏదో పడటం చూసి ఉంటారు. 

    ఇక లాభం లేదని,రాకుమారుడు, సొమ్మసిల్లిన ఆమెని తన చేతుల్లోనికి తీసుకున్నాడు. ఒక్క ఉదుటన ఆ రధం నించి దూకాడు. నేలపై ఆనుతూనే, తన శక్తినంతా ఉపయోగించి మరొక్క మారు గాలిలోనికి లంఘించాడు. ఈ సారి రామాలయం ముందున్న మంటపం లోనికి పడ్డారు ఇద్దరూ. ఇప్పటికే కూలబడిన అతడు, తన చేతుల్లోని స్త్రీని చాల జాగ్రత్తగా మంటపం మధ్యలో పరు౦డబెట్టాడు. ఏదో అనిపించి, తలెత్తి చూసాడు, పైన రామాలయం గంట మోగుతూనే ఉంది. పర్వాలేదు, తన బాధ్యత నిర్వర్తి౦చాననుకున్నాడు. 

      నిజానికి అతనికి ఏమి వినిపించటం లేదిప్పుడు. నేలపై ఆని మళ్లీ దూకినప్పుడు, అతని పాదం చీరుకుపోయింది. ఇప్పుడా పాదం రెండుగా కొంతవరకు చీలి, రక్తం వస్తోంది. ఎదురుగా స్పృహ తప్పిన ఆమెని చూసి, కళ్ళు మూసుకున్నాడతను. కళ్ళు మూసుకున్నాడు అనటం కంటే, స్పృహ కోల్పోయాడని చెప్పవచ్చు. 

    అది జరిగిన ఉత్తరక్షణం, ఒక పెద్ద వెలుగు, అతని వెనుక కనిపించిది. చెవులు చిల్లులు పడేటటువంటి భయంకరమైన శబ్దం చాల సేపు ఆ పరిసరాల్లో వినిపించింది. ఒక ఈదురు గాలి, ఏదో సందేశాన్ని మోసుకువస్తున్నట్టు, ఎవరికోసమో వెతుకుతున్నట్టు చాలా సేపు తచ్చాడింది. ఆ పక్కగా ప్రవహిస్తున్న గంగానది, ఏడ్చిఏడ్చి కనీళ్ళు ఇంకిపోయినట్టు, ఎండిపోయింది. ఆ ప్రదేశాన్ని కమ్ముకున్న మృత్యు మేఘాలు ఆ పై లోకాలకు దారి ఇస్తున్నట్టు విచ్చుకున్నాయి. అంతా ఐపోయింది. మనుషులే కాదు, నగర ప్రధాన కేంద్రం నించి పది మైళ్ళ దూరం లోని అన్ని ప్రాణులూ దేహం చాలించాయి. చెట్లు రక్తం కారుస్తున్నట్టు, రక్తవర్ణం దాల్చాయి. మనుష్య జాతి చరిత్రలో, ఇదివరకెన్నడూ చూడని విలయం మొదటిసారి పలకరించింది. కన్యాకుబ్జం, ఆ నిండు చూలాలి గర్భం లోని పసికందు కోసమని, శతాబ్దాల శాపాన్ని మోయడానికి సిద్ధమైంది. 

    బయటినించి ఇది చూస్తున్నట్టు అనిపిస్తున్న అర్జున్, మొహం తిప్పుకున్నాడు. ఈ సారి, రాకుమారుడు వేషంలో,  దూరం గా ఉన్న అర్జున్ తనకి కనిపించాడు, ఆ రాకుమారుని కళ్ళలో సన్నటి కన్నీటి పొర.

    అర్జునా..., దూరం గా రాజ గురువు  పిలుస్తున్నట్టు అనిపించింది అర్జున్ కి. వెంటనే కళ్ళు తెరిచాడు అర్జున్, అతని కళ్ళల్లోనూ ఒక సన్నటి కన్నీటి పొర.

(సశేషం)